10.7. 2023 ရက်နေ့တွင် အမှတ်(၅) စက်မှုသင်တန်းကျောင်း(မကွေး)ရှိ ဝန်ထမ်းများ/ဝန်ထမ်းမိသားစုဝင်များ၊ သင်တန်းသား/သူများ စုပေါင်း၍ ဝါဆိုသင်္ကန်းကပ်လှူပူဇော်ပွဲနှင့် (၁၁)နှစ်ပြည့် ကျောင်းနှစ်ပတ်လည်နေ့ အခမ်းအနားကို သင်တန်းကျောင်းရှိ Auditorium ခန်းမတွင် ကျင်းပပြုလုပ်ခဲ့ပါသည်။
၂၀၂၃ခုနှစ်၊ ကမ္ဘာ့အအေးပေးပစ္စည်းများနေ့အထိမ်းအမှတ်အဖြစ် မကွေးတိုင်းဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာနမှ လာရောက်၍ အမှတ်(၅) စက်မှုသင်တန်းကျောင်း(မကွေး)ရှိ ဝန်ထမ်းများနှင့် သင်တန်းသား/သူများအား သင်တန်းကျောင်းခန်းမ၌ အသိပညာပေးဟောပြောပွဲကို ကျင်းပပြုလုပ်ခဲ့ပါသည်။
ယခုနှစ် ၂၀၂၃ခုနှစ်၊ဇွန်လ(၂၆) ရက်နေ့တွင် ကျရောက်သည့် ကမ္ဘာ့အအေးပေးပစ္စည်းများနေ့ (World Refrigeration Day)အထိမ်းအမှတ် အခမ်းအနားကို "ဆင့်ပွားဆန်းသစ် အအေးပေးနည်းပညာ အနာဂတ်တိုးတက်ကောင်းမွန်ဖို့ ကျွန်ုပ်တို့အားလုံး လက်တွဲညီညီ ပူးပေါင်းဆောင်ရွက်စို့" "(The Next Generation Cooling: The Future is in our Hands) ဆောင်ပုဒ်ဖြင့် ကျင်းပသွားမည်ဖြစ်ပါသည်။
အမှတ်(၅) စက်မှုသင်တန်းကျောင်း(မကွေး)နှင့် မကွေးမြို့နယ်၊ ကျန်းမာရေးဦးစီးဌာနတို့ပူးပေါင်း၍ သင်တန်းကျောင်းဝင်းအတွင်းရှိ ဝန်ထမ်းအိမ်ယာများ၊ သင်တန်းသား/သူအိပ်ဆောင်များအတွင်း သွေးလွန်တုပ်ကွေးဖြစ်စေမည့် ခြင်အန္တရာယ်မှ ကာကွယ်ရန် ရေကန်မျာ/ရေစည်များအား ဆေးခပ်ခြင်း၊ ဖုံး/သွန်/လဲ/စစ် လုပ်ငန်းများဆောင်ရွက်ခဲ့ကြပါသည်။
